Тæбæхсæуты Балойы номыл Ирон академион театры арæзт æрцыд спектакль "Паддзах Эдип"-ы равдыст. Трагеди раргом кодтой  Адыгейы Республикæйы театралон иугонды актертæ. Уæлдай цымыдисаг у, адыгейаг æвзагыл кæй уыд, уый. "Паддзах Эдип"-ы истори нымад у трагикон уацмысы идеалыл. Театралон иугонды аивадон разамонæг куыд зæгъы, афтæмæй спектакль ног хуызы раргом уыдзæн, зонгæ кæмæн у, уыцы адæмæн дæр.