Ногиры цæрджытæн фадат ис флюорографи скæнынæн, бынæттон амбулаторийы фарсмæ цы мобилон комплекс æрбынат кодта, уым. Медицинон æркаст адæмæн у лæвар, æнæ дохтыры фыстæй. Диагностикæ кæнынц, адæмы диспансеризацийы программæ æххæст кæнгæйæ. Специалисттæ куыд зæгъынц, уымæ гæсгæ профилактикæ æххуыс у афоныл низтæ рабæрæг кæнынæн. Мобилон комплекс Октябрскæйы рынчындонæй хъæутæм æрцæуы мæй цалдæр хатты сæрмагонд хыгъдмæ гæсгæ.