Цæгат Ирыстоны нывгæнджыты цæдисы байгом традицион æрвылазон равдыст "Афæдзы вернисаж". Автортæ бацæттæ кодтой сæ хуыздæр куыстытæ, уыимæ алы жанрты, стильты æмæ техникæты конд: нывкæнынад, графикæ, скульптурæ, æрмдæсныйад. Æдæппæтæй 130 куысты. "Афæдзы вернисаж" ныр бирæ азты арæзт цæуы конкурсы хуызы. Йæ хатдзæгтæм гæсгæ жюрийы уæнгтæ сбæрæг кæндзысты хуыздæрты.