Дарддæр цæуы Цæгат Ирыстоны педагогон колледжы бæстыхайы бындурон цалцæг. Фарон куыстытæ фесты ахуыргæнæндонæн йæ галиу фарс. Уый тыххæй социалон хызты фехъусын кодта республикæйы хицауады сæрдары хæдивæг Атарты Георгий. Колледжы бæстыхай у культурон хæзнатæм чи хауы, ахæм цыртдзæвæн. 20-æм æнусы райдиан ам уыди сылгоймæгты 2-аг гимназ, уымæ гæсгæ дзы цалцæггæнæн куыстытæ цæуынц реставрацийы элементтимæ. Аразджытæ фесты фойейы æмæ зæронд цæлгæнæны демонтаж, бауагътой ног электрон тыхдæттæн систæмæ. Ацы бонты сæрдынц фойейы æмæ спортивон залы къултæ. Уыцы иу рæстæг специалисттæ реставраци кæнынц хъæдын дуæрттæ æмæ асинтæ. Уымæй уæлдай базилдзысты паркетмæ. æппæт куыстытæ æххæстгонд цæуынц республикæйы культурон бынтæ хъахъхъæныны Комитетимæ. Уæвгæ та, куыстытæ цæуынц национ проект "Фæсивæд æмæ сывæллæттæ"-м гæсгæ.