Уæрæсейаг скъолаты æмæ колледжты сног кодтой курс "Ахсджиаг ныхас". Дзæуджыхъæуы 17-æм скъолайы ахуыртæ традицимæ гæсгæ райдыдтой нæ бæстæйы гимнæй æмæ паддзахадон тырыса сисынæй. «Ахсджиаг ныхас» фæцæуы алы къуырийы дæр. Аразынц æй фыццæгæмæй - 11 -æм кълæсты онг ахуырдзаутæн. Уроктæ баст сты, Уæрæсейы рæзтмæ стыр æвæрæн чи бахаста, ахæм зындгонд адæймæгтимæ. Ацы хатт хистæркъласонтæ ныхас кодтой промышленнон кусæг Николай Путиловы цардвæндагыл. Уый у нæ бæстæйы уæззау промышленносты бындурæвæрджытæй иу. Райдиан кълæсты ахуырдзаутимæ та ныхас кодтой нæ историйы зæрдылдарæн цау - Ленинграды блокадæйы райдианыл. Педагогтæ сывæллæттæн радзырдтой, горæты цæрджытæ цы фыдæбæттæ бавзæрстой, æмæ сын нæ бæстæйы цæрджытæ цы ахсджиаг æххуыс кодтой, уый тыххæй.