Республикæйы агропромышленнон комплексы субсидитæ дæттыны æмæ паддазхадон æххуысы мадзæлттыл ныхас цыд, Дзанайты Барисы разамындæй æмбырды. Архайдтой дзы профилон министрадты разамонджытæ æмæ районты сæргълæуджытæ. Хицауады сæрдар куыд загъта, афтæмæй ивгъуыд аз, республикæйы Сæргълæууджы амындмæ гæсгæ, сфидар кодтой агропромышленнон комплексы стратеги. Уæвгæ та уый у регионы экономикæйы сæйрагдæр сектортæй иу. Йæ рæзтæн радих кæнынц ахадгæ финансон ресурстæ. Хъæуы федералон æххуысы мадзæлттыл кусын, цæмæй фылдæр фæрæзтæ дихгонд цæуа, уый тыххæй. Премьер-министр се ппæты ргом аздæхта хæрзхъæд æмæ, æмæ афоныл кæмæй пайда кæнынц, ахæм грантты фæрæзтæм. Профилон министрады та хъæуы амалхъом адæмæн алы къæпхæныл дæр æххуыс кæнын.