"Терроризмы ныхмæ æмæ сабырдзинады сæраппонд!". Ахæм темæимæ баст мадзал арæзт æрцыд Мæздæджы районы. Студенттæ ерыс кодтой сæрдыгон биатлонæй. 6 командæйы хъахъхъæдтой районы ахуыргæнæндæтты кад. Фæсивæд сæхи фæлвæрдтой дугъы уайынæй, хи хæрдмæ ивазынæй, хæцæнгарзæй æхсынæй æмæ дæргъмæ гæпп кæнынæй. Ерысты хатдзæгтæм гæсгæ, хуыздæр бæрæггæнæнтæ равдыстой Павлодольскæйы станицæйы минæвæрттæ. Дыккаг бынатмæ рацыд Терскæйы станицæйы командæ. æртыккаг бынат та бацахстой Мæздæджы механикон-технологон техникумы ахуыргæнинæгтæ.