Национ наукон библиотекæйы арæзт æрцыд номарæн изæр. Ссардтой дзы журналист, фыссæг æмæ поэт Томайты Адæйы рухс ном. Залы æрæмбырд сты йæ хæстæджытæ, æмбæлттæ æмæ æмкусджытæ. Томайты Адæ у Ирыстоны профессионалон телеуынынады ирддæр минæвæртæй иу. Мæскуыйы паддзахадон университеты журналистикæйы факультет каст куы фæци, уæд ссыди йæ райгуырæн Дзæуджыхъæумæ, æмæ кусын райдыдта республикон телеуынынады. Уыд уарзон программæты автор æмæ амонæг. Се хсæн - "Фæсивæды телевизион клуб", «Мы в ответе за юность», «Актуальная камера». Кæцыдæртæ-иу рацыдысты Центрон телеуынынады эфиры. Томайты Адæ йе сфæлдыстад адарддæр кодта литературæйы. Фыста документалон прозæ, æмдзæвгæтæ, поэмæтæ æмæ сывæллæттæн чингуытæ. Ацы изæр се ппæт дæр æхсызгонæй æрымысыдысты Томайты Адæйы сфæлдыстад.