Дзæуджыхъæуы паддзахадон бирæвæрсыг техникумы студенттæ бабæрæг кодтой зынгхуыссынгæнæн фæлварæн лаборатори æмæ 2-æгæм ирвæзынгæнæн хай. Фæсивæдæн радзырдтой ацы куысты ахсджиагдæр къæпхæнты тыххæй, равдыстой сын сæрмагонд техникæ, криминалистикон кусæнгæрзтæ. Зынгхуыссынгæнæн 2-æгæм ирвæзынгæнæн хайы экскурси рауад ахадгæ. Студенттæ ма федтой радхæссæн бæстыхæйттæ, ахуыргæнæн кълæстæ æмæ сæрмагонд техникæ. Зынгхуссынгæнæн фæлварæн хайы хицауы хæдивæг Танделаты Изабеллæ та сын радзырдта практикон ахуырты ахадындзинады тыххæй. Дæсныйады лæмбынæгдзинæдтæ зонгæйæ, фæсивæд свæййынц æцæг профессионалтæ. Уый тыххæй фехъусын кодта ведомствойы пресс-службæ.