Æфсадмæ сидыны фæззыгон кампанийы фæлгæты фыццаг сиддонты къорд ацыд республикæйы æмбырдгæнæн пунктмæ. Æдæппæтæй сты 18 адæймаджы. Уырдыгæй лæппуты хæстæгдæр бонты арвитдзысты се фсæддон службæйы бынæттæм. Фыдыбæстæйы раз хæс æххæст кæндзысты алы æфсæддон хæйтты нæ бæстæйы алы регионты. Дзæуджыхъæуы æфсæддон комиссарады куыд загътой, афтæмæй иу сиддон дæр сæрмагонд æфсæддон операцийы зонæмæ æмæ Уæрæсейы ног территоритæм æрвыст не рцæудзæн. Стæй ма иу ногдзинад. Æфсадмæ сидыны кампани цæудзæн 1-æгæм январæй 31-æм декабры онг. Фæлæ традицимæ гæсгæ лæппуты æрвитдзысты уалдзæджы æмæ фæззæджы.