Хъармгæнæн сезон республикæйы райдайдзæн 15-æм октябры. Объектты техникон цæттæдзинад у 100 проценты. Уый тыххæй аппаратон æмбырды фехъусын кодта цæрæнуæтты-коммуналон хæдзарады министры хæстæ рæстæгмæ æххæстгæнæг Хъараты Тимур. Куыд загъта, афтæмæй 2953 бирæфатерон хæдзарæй цæттæдзинады акттæ нæ бафыстой æрмæстдæр 30 хæдзарæн. Ведомствæйы разамонæг ма радзырдта ацы къабазы цалцæггæнæн куыстыты тыххæй дæр. Сергей Меняйло фæнысан кодта, пъланмæ гæсгæ куыстыты тыххæй цæрджытæн рагацау хъусын кæнын хъæуы. æрвылбон мониторинг кæнын хъæуы социалон хызтæ дæр, цæмæй æмбæрстгонд уа, цæрджыты фылдæр цы фарстатæ тыхсæн кæнынц, уыдон. Дзуапдæттæг оргæнтæ адæмы курдиæттæм хъуамæ уой цæттæ. Аппаратон æмбырды ныхас цыди республикæйы эпидемиологон уавæрыл дæр. Хæцгæ низты æмвæзад у нормæйæ къаддæр. Сергей Меняйло хицауады сæрдары хæдивæг Алыбекты Эллæйæн бахæс кодта, æрыгон лидерты райрæзты программæйыл бакусын. Йæ хъуыдымæ гæсгæ ахæм проект хорзырдæм фæзындзæн алы къабæзты æнтыстджын фæсивæд рабæрæг кæныныл æмæ сын фидæны баххуыс кæныныл.