Сæ профессионалон бæрæгбоны агъоммæ, республикæйы Сæргълæууæг Сергей Меняйло схорзæхджын кодта скъолайы агъоммæйы ахуырады кусджыты. Сбæрæг æй кæнынц алы аз дæр 27-æм сентябры. Сæ бирæ азты æнæзæрдæхудт фæллойы тыххæй 11 специалистæн лæвæрд æрцыд "Уæрæсейы Федерацийы ахуырады кадджын кусæджы" ном. Уазджытæн бацæттæ кодтой бæрæгбоны стыр программæ. Республикæйы сфæлдыстадон коллективтæ акодтой зарджытæ, равдыстой хореографион компзицитæ æмæ театралон постановкæтæ. Уымæй дарддæр ма Сергей Меняйло бабæрæг кодта Дзæуджыхъæуы æмæ республикæйы районты ахуыргæнæндæтты хуыздæр педагогон практикæты фестиваль.