Дзæуджыхъæуы байгом кодтой Гæздæнты Гайтойы цыртдзæвæн. Кадджын мадзалы архайдтой горæты администрацийы минæвæрттæ, наукæйы æмæ аивады кусджытæ, ахуыргæндтæ, стæй йе сфæлдыстадæн аргъгæнджытæ. Уырыссаг фыссæг-эмигранты монумент фæзынд амалхъом адæмы æмæ меценатты Дзгойты Валерийы æмæ Пухаты Оледжы хъæппæрисæй. Скульптурæйы автор у Соскъиты Барис. Ивгъуыд аз проектмæ æркастытсты топонимикон къамисы æмбырды. Цыртдзæвæн сæвæрдтой Горькийы уынджы, центрон паркмæ бацæуæны.