Аивæдты лицейы уыд, программæ "Пушкины картæ"-йы рæзты фæдыл, фыццаг стратегион сесси. Проект схуыдтой «Фæсивæд æмæ скъоладзаутæ республикæйы культурон тыгъдад"-ы. Æмбырды архайдтой хицауады сæрдары хæдивæг Алыбекты Эллæ, культурæйы министры хæстæ рæстæгмæ æххæстгæнæг Гуыдиаты Батрадз, ахуырады æмæ наукæйы министры хæстæ рæстæгмæ æххæстгæнæг Андрей Швецов, муниципалон оргæнты разамонджытæ, культурæйы æмæ ахуырады куыстуæтты минæвæрттæ. Æрныхас кодтой, республикæйы культурон царды архайгæйæ, скъоладзауты æмæ фæсивæды раз цы зындзинæдтæ сæвзæрынц, ууыл. Фембæлд арæзт уыд интерактивон хуызы дæр. Статистикон бæрæггæнæнты бындурыл, командæтæ сæбæрæг кодтой куысты раззагдæр здæхтытæ æмæ бахастой фæндонтæ, профилон ведомствоты æмгуыстады фæдыл. Уæлдай æргом аздæхтой скъолаты, колледжты, культурæйы куыстуæтты æмæ фæсивæдон организациты æмархайдмæ.