Дзæуджыхъæуы 25-æм скъолайы кадджын уавæры байгом кодтой æвзонг æфсæддонты фыццаг кадетон кълас. Архайдтой дзы республикæйы ахуырады æмæ наукæйы министры хæстæ рæстæгмæ æххæстгæнæг Андрей Швецов, фæсивæды хъуыддæгты фæдыл комитеты сæрдары хæстæ рæстæгмæ æххæстгæнæг Дзгойты Станислав, æфсæддонтæ. Скъолайы мадзалмæ бацæттæ кодтой тематикон равдыст хæцæнгæрзты хуызæгтимæ, арæзт æрцыдысты æнæпилотон тæхæн аппараттимæ архайынæй дæсныйадæвдисæг ахуыртæ æмæ интерактивон хæстон-патриотон фæзтæ. Æвзонг æфсæддонты рæнхъытæм бацыдысты 5-æм къласы 21 ахуырдзауы. Сæйраг программæйæ фæстæмæ ма ахуыр кæндзысты Фыдыбæстæйы æмæ райгуырæн зæххы истори, уыдзæн сын фæсурокты ахуыртæ æфсæддон-патриотон цæттæдзинадæй.